ამერიკის შეერთებული შტატების ელჩი კელი დეგნანი იმერეთის რეგიონს სტუმრობს. ინფორმაციას ელჩის ვიზიტის შესახებ ამერიკის საელჩო ავრცელებს.
"ამ კვირაში ელჩი დეგნანი იმერეთის ულამაზეს რეგიონს სტუმრობს. ვიზიტის პირველ დღეს ელჩმა მომხიბვლელი ქალაქი ქუთაისი და მისი ისტორიული სასახლე, ოქროს ჩარდახი დაათვალიერა.
ელჩი შეხვდა გუბერნატორ ზვიად შალამბერიძესა და მერის მოვალეობის შემსრულებელს, დავით ერემეიშვილს, რომელთაგანაც COVID-19-ის პანდემიაზე რეგიონის საპასუხო ქმედებებსა და მოახლოებულ საპარლამენტო არჩევნებთან დაკავშირებით ადგილობრივი ხელისუფლების გეგმებზე მიიღო ინფორმაცია.
ელჩი, ასევე, შეხვდა სამოქალაქო საზოგადოების ორგანიზაციების წარმომადგენლებს წინასაარჩევნო გარემოზე სასაუბროდ.
ქუთაისის ამერიკულ კუთხეში ელჩი ადგილობრივ ახალგაზრდებს შეხვდა და მიიღო ინფორმაცია კუთხის აქტივობებზე, რომელიც ახალგაზრდებს გამოწვევების გადალახვაში ეხმარება", - იუწყება საელჩო.
ფოტო: ამერიკის საელჩო
