შეერთებული შტატები გერმანიიდან 12 000-მდე ამერიკელ სამხედროს გამოიყვანს. ინფორმაციას ამერიკული მედია ავრცელებს.
გავრცელებული ცნობით, დაახლოებით 6 400 ამერიკელი სამხედრო სამშობლოში დაბრუნდება, ხოლო დანარჩენი, 5 500-ზე მეტი ჯარისკაცი ევროპის ქვეყნებში გადანაწილდება, უმეტესად ბელგიასა და იტალიაში.
როგორც იტყობინებიან ამერიკელი სამხედროების გამოყვანის პროცესი უახლოეს მომავალში დაიწყება და შესაძლოა რამდენიმე წელი გაგრძელდეს, სამხედროების გამოყვანა კი მილიარდობით დოლარი დაჯდება.
პროცესის დასრულების შემდეგ, გერმანიაში განთავსებულ ამერიკულ სამხედრო ბაზებზე 25 000 ამერიკელი სამხედრო დარჩება.
ამჟამად, გერმანიაში განთავსებულ სამხედრო ბაზებზე ამერიკის სამხედრო კონტიგენტი 35 000 ჯარისკაცისგან შედგება.
ივლისის დასაწყისში ცნობილი გახდა, რომ აშშ გერმანიიდან 9 500 სამხედროს გამოიყვანდა.
