ამერიკელი მომღერალ, პოპმუსიკის ვარსკვლავ მადონას სოციალურ ქსელში კორონავირუსის ვაქცინის შესახებ შეთქმულების თეორიის გავრცელეის გამო აკრიტიკებენ.
მომღერალმა სოციალურ ქსელ Instagram-ში გააზიარა ვიდეო, სადაც საუბარია, რომ კორონავირუსის ვაქცინა უკვე აღმოჩენილია, მაგრამ არ ამჟღავნებენ, რადგან მდიდარმა ადამიანებმა კიდევ უფრო მეტი ფული იშოვონ.
Instagram-მა რეაგირება მალევე მოახდინა და აღნიშნულ ვიდეოს მომხმარებლებისთვის შეტყობინება მიამაგრა, სადაც აღნიშნული იყო, რომ ინფორმაცია ყალბია და ვაქცინა ჯერ არ არის მზად.
მადონას ინსტაგრამგვერდის გამომწერებმა მომღერალი დეზინფორმაციის გავრცელებაში დაადანაშაულეს, მათ შორის იყო მომღერალი ენი ლენოქსი, რომელმაც დატოვა კომენტარი "ეს სრული სიგიჟეა". არ მჯერა, რომ თქვენ ავრცელებთ ამ თაღლითობას. იმედია, თქვენი გვერდი გატეხეს და განმარტებას გააკეთებთ, თუ როგორ მოხვდა ეს ვიდეო აქ".
მოგვიანებით, სოციალურმა ქსელმა საერთოდ წაშალა ვიდეო მომღერლის გვერდიდან.