თურქეთის პარლამენტმა ოთხშაბათს, 29 ივლისს დაამტკიცა საკამათო კანონპროექტი, რომელიც არეგულირებს სოციალური მედიის გამოყენებას და აძლიერებს მასზე კონტროლს.
სხვა საკითხებთან ერთად, დოკუმენტი ავალდებულებს უცხოურ სოციალურ ქსელებს, რომელთაც თურქეთიდან 1 მილიონზე მეტი მომხმარებელი ჰყავთ, დანიშნონ თავიანთი წარმომადგენლები ამ ქვეყანაში - თურქეთის მოქალაქეები.
თუ კომპანიები უარს იტყვიან თურქეთში წარმომადგენლობების გახსნაზე, ანკარამ შესაძლოა შეზღუდოს ამ სოციალური ქსელების დაშვება თურქეთის ტერიტორიაზე.
ამასთან, სოციალური ქსელების ადმინისტრაციამ, შეტყობინების მიღებიდან 48 საათში, უნდა შეცვალოს ან წაშალოს ის მასალები, რაზეც თურქეთის სახელისუფლებო ორგანოები მიუთითებენ.
მოთხოვნების შეუსრულებლობა გამოიწვევს ფულად ჯარიმებს, ამ რეკლამირების ბლოკირებას.
საერთაშორისო ორგანიზაციამ "რეპორტიორები საზღვრებს გარეშე" დაგმო ანკარის გადაწყვეტილება, რომელიც მიმართულია ცენზურისა გაზრდისა და განსხვავებული მოსაზრებების ჩახშობისაკენ.
კანონპროექტის ინიცირება და მხარდაჭერა მმართველმა "სამართლიანობისა და განვითარების" პარტიამ და "ნაციონალისტური მოძრაობის" პარტიამ მოახდინეს.
