ჩვენ "ქართული ოცნების" წინააღმდეგ თითქმის ყველას, ვინც მეტ-ნაკლებად წითელ ხაზებშია, დავუჭერთ მხარს, - განაცხადა "ევროპული საქართველოს" ლიდერმა გიგა ბოკერიამ „რუსთავი 2“-ის ეთერში.
მისი თქმით, ივანიშვილის დამარცხება ეროვნული ამოცანაა.
"ჩვენ "ქართული ოცნების" წინააღმდეგ თითქმის ყველას, ვინც მეტ-ნაკლებად წითელ ხაზებშია, დავუჭერთ მხარს, იმიტომ რომ ივანიშვილის დამარცხება არის ეროვნული ამოცანა, მაგრამ რატომ უნდა მივიყვანოთ აქამდე. ჩვენ ხომ დავუჭირეთ ერთხელ საპრეზიდენტო არჩევნებზე მხარი, მაგრამ ეს არ აღმოჩნდა საკმარისი. იმიტომ რომ არც ჩვენი და არც მათი ხმები, სხვა ოპოზიციის გარეშე, როგორი მსხვილიც არ უნდა იყოს ენმ და ენმ-ს შემდეგ "ევროპული საქართველო", არაა საკმარისი. ესაა საზოგადოების დაკვეთაც, რომ პროპორციულად იყოს. არგუმენტი რომ იმ ოლქებში ჩვენ მეტი ხმა გვაქვსო, კი მიიღეს მეტი ხმა მაგრამ არასაკმარისი," - აღნიშნა გიგა ბოკერიამ და იმედი გამოთქვა, რომ "ევროპული საქართველო" ოპოზიციის გარკვეულ ნაწილთან შეჯერებას მოახერხებს და საზოგადოება ნახავს ვინ მიდის გაუმართლებელ რისკზე.
