სისტემა რთული საქმეების კვალიფიციურ გამოძიებას ვეღარ უმკლავდება. ამის შესახებ სახალხო დამცველმა, ნინო ლომჯარიამ გადაცემა "პოლიტიკის ფორმულაში" განაცხადა.
მისი თქმით, საგამოძიებო უწყებაში მომუშავე ადამიანებს კვალიფიკაცია აკლიათ.
"როგორი ენთუზიასტი უნდა იყოს გამომძიებელი, რომელსაც არც კვალიფიკაცია აქვს, არც შეიძლება ტექნიკური აღჭურვილობა აქვს, არც კვალიფიკაცია აქვს, ფიზიკურად მეტი არ შეუძლია, უნარი არ აქვს და სისტემის ინტერესია, რომ რაც შეიძლება გაამარტივონ საქმეები, ისეთი ხაზი აირჩიონ, რაც მარტივად გამოსაძიებელია. როდესაც უცნაური ბუნდოვანი საქმეა, ყველა ვერსია გულდასმით უნდა იყოს გამოძიებული. ვეღარ უმკლავდება სისტემა მსგავსი ტიპის საქმეების კვალიფიციურ გამოძიებას. სისტემას არ შეუძლია რთული საქმეების გახსნა, სადაც არ არის კამერა“, - აცხადებს ომბუდსმენი.
