საქართველოს ჯანდაცვის მინისტრის, ეკატერინე ტიკარაძის განცხადებით, "ქართული ოცნება" მოსახლეობას არ გაუცრუებს იმ იმედს, რა პასუხისმგებლობასაც საზოგადოება ჩააბარებს. ამის შესახებ ტიკარაძემ "ქართული ოცნების" მაჟორიტარობის კანდიდატების წარდგენისას განაცხადა.
"დარწმუნებული ვარ, რომ ქართველი ხალხი კვლავ გამოიჩენს მაღალ მოქალაქეობრივ პასუხისმგებლობას და გააკეთებს სწორ არჩევანს 2020 წლის არჩევნებზე. დარწმუნებულნი ვართ, რომ ქართველი ხალხი გააკეთებს არჩევანს უსაფრთხოების, კეთილდღეობის და განვითარებისკენ. ამიტომ, "ქართული ოცნება", თავის გუნდით პასუხისმგებლობით და პროფესიონალი კადრებით არ გაუცრუებს მოსახლეობას იმ იმედს, რა პასუხისმგებლობასაც საზოგადოება ჩააბარებს", - განაცხადა ტიკარაძემ.
"ქართულმა ოცნებამ" მაჟორიტარი დეპუტატობის კანდიდატები წარადგინა.
თბილისში ქართული ოცნების მაჟორიტარობის კანდიდატები იხილეთ აქ.
"ქართული ოცნების“ მაჟორიტარობის კანდიდატები რეგიონებში იხილეთ აქ.
