ქედაში, ბათუმი ახალციხის ცენტრალურ მაგისტრალზე, სოფელ მახუნცეთთან მომხდარი ავტოსაგზაო შემთხვევის შედეგად სამი ადამიანი დაშავდა. აჭარის საზოგადოებრივი მაუწყებლის ინფორმაციით, დაშავებულები ქედის რაიონულ ჰოსპიტალში გადაიყვანეს, სადაც მათ პირველადი დახმარება გაეწია.
სამივე მათგანი საავადმყოფოდან უკვე გაწერეს. შინაგან საქმეთა სამინისტროს ინფორმაციით, გამოძიება საქართველოს სისხლის სამართლის კოდექსის 276 მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
