მოსკოვის ცენტრში, პუშკინის ქუჩაზე მოქალაქეები შეიკრიბნენ და ისინი საკონსტიტუციო ცვლილებები აპროტესტებენ, რომელიც ვლადიმერ პუტინს საშუალებას აძლევს ხელისუფლების სათავეში 2036 წლამდე დარჩეს.
მედიის ინფორმაციით, საპროტესტო აქციაზე 300-მდე ადამიანია შეკრებილი. ადგილზე მობილიზებულები არიან სამართალდამცავები.
აქციის მონაწილეებს მაისურები აცვიათ, რომელზეც გამოსახულია 2036, რაც იმის მანიშნებელია, რომ პუტინი 2036 წლამდე გეგმავს ხელისუფლებაში დარჩენას. მათ ასევე უკეთიათ პირბადეები, რომლებზეც წერია - "არა, არა, არა".
აქციაზე გაისმის მოწოდებები - "რუსეთი იქნება თავისუფალი", "პუტინი ქურდია" და "პუტინო, წადი"
საპროტესტო აქციის ინიციატორები არიან კამპანიის "არა!" ორგანიზატორები, რომლებიც საკონსტიტუციო ცვლილებებს ეწინააღდეგებიან.