მიმდინარე წელს სანავთობო სფეროში გლობალური ინვესტიციები ნავთობზე მოთხოვნილების ძლიერი დაცემის ფონზე მესამედით შემცირდება, განაცხადა რუსეთის ფედერაციის ენერგეტიკის მინისტრმა ალექსანდრ ნოვაკმა.
"აპრილში ჩვენ ვნახეთ მოთხოვნილების დაცემა 25-28%-ით. რა თქმა უნდა, ეს სერიოზულად აისახა საწვავ-ენერგეტიკულ კომპლექსში ინვესტიციებზე. ჩემი აზრით, ინვესტიცია შემცირდა დაახლოებით მესამედით, მიმდინარე წელს შემცირდება მესამედით", - აღნიშნა მინისტრმა.
გლობალური მოთხოვნილების შემცირებამ გამოიწვია ნავთობის მარაგების ზრდა. "ჩემი შეფასებით, მარაგების ზრდამ შეადგინა 1 მლრდ ბარელი ამ პერიოდისათვის", - განაცხადა ნოვაკმა.
ნოვაკმა განაცხადა, რომ რუსეთის ენერგეტიკის სამინისტრო არ გამორიცხავს ივლისის თვეში სანავთობო ბაზარზე მცირეოდენი დეფიციტის შექმნის შესაძლებლობას მსოფლიოში ეკონომიკური აქტივობის ზრდის შედეგად.