ახალი კორონავირუსის ინფექციით (COVID-19) შექმნილი ვითარების საპასუხოდ, საქართველოს ტურიზმის ეროვნული ადმინისტრაცია და USAID/Zrda ერთობლივ საინფორმაციო კამპანიას იწყებენ.
ერთობლივი ინიციატივა მოხალისეთა საინფორმაციო კამპანიაში ჩართვას და ადგილობრივი ბიზნეს-ოპერატორებისთვის, სასტუმროებისათვის/საოჯახო სასტუმროებისათვის, საზოგადოებრივი კვების ობიექტებისათვის და ა.შ. რეკომენდაციებისა და რეგულაციების შესახებ განახლებული ინფორმაციის მიწოდებას გულისხმობს.
29 ივნისიდან 1 ივლისის ჩათვლით, მოხალისეებს საქმიანობაზე საორიენტაციო ტრენინგი ჩაუტარდათ.
USAID/Zrda-სა და GNTA-ს ერთობლივი ინიციატივა, პროექტის სამიზნე მუნიციპალიტეტებსა და თემებში, ინფორმაციის გავრცელების ეფექტური მექანიზმის შემუშავებას ისახავს მიზნად.
მოხალისეები პროცესში აქტიურად 6 ივლისიდან ჩაერთვებიან.