ესპანეთმა საქართველოს მოქალაქეებისთვის საზღვრის გახსნის გადაწყვეტილება მიიღო. ინფორმაცია Schengenvisainfo-მ გაავრცელა.
გავრცელებული ინფორმაციით, შეზღუდვების ეტაპობრივი მოხსნა შეეხება ევროკავშირის არაწევრ 13 ქვეყანას, მათ შორის: საქართველო, ალჟირი, ავსტრალია, კანადა, იაპონია, მონტენეგრო, ახალი ზელანდია, რუანდა, სერბეთი, სამხრეთ კორეა, ტაილანდი, ტუნისი და ურუგვაი.
ესპანეთის მიერ მიღებული გადაწყვეტილების მიღმა დარჩნენ მაროკო და ჩინეთი, მიუხედავად იმისა, რომ ისინი ევროკავშირის საბჭოს მიერ რეკომენდებულ სიაში იყვნენ.
შეგახსენებთ, გუშინ ევროკავშირის საბჭომ გამოაქვეყნა იმ ქვეყნების ჩამონათვალი, რომლებისთვისაც 1-ლი ივლისიდან საზღვრების გახსნა რეკომენდებულია. მანამდე საქართველოს მთავრობამ რეგულარულ ფრენებზე დაშვება უკვე მეოთხედ, 1-ელ აგვისტომდე გადაავადა.
ამ დროისთვის, საქართველოსთვის საზღვრის გახსნის გადაწყვეტილება მიიღეს ნიდერლანდებმა, გერმანიამ და ესპანეთმა.