დღეიდან სასწრაფო სამედიცინო დახმარების პესონალისა და სოფლის ექიმების ხელფასები 100 ლარით გაიზარდა. იუწყება საქართველოს ჯანდაცვის სამინისტრო.
უწყების ინფორმაციით, სრულად განახლებულია სასწრაფო სამედიცინო დახმარების ავტოპარკი და პერსონალის კომფორტული სამუშაო პირობებით უზრუნველსაყოფად აშენდა და შენდება სასწრაფო დახმარების ახალი ცენტრები საქართველოს მასშტაბით.
1 ივლისიდან 30-ლარიანი ზრდა შეეხო 70 წელს ზემოთ პენსიონერების, შეზღუდული შესაძლებლობის მქონე ბავშვების და I ჯგუფის შშმ პირთა პენსიებს.
