პარლამენტმა საზოგადოებრივი მაუწყებლის ბორდის 3 ახალი წევრი - ბონდო მძინარაშვილი, გია მურღულია და ზაზა აბაშიძე დაამტკიცა.
კენჭისყრაზე ზაზა აბაშიძემ 98 ხმა მიიღო, ჟურნალისტმა ბონდო მძინარაშვილმა 95, ხოლო ფილოლოგმა გიორგი მურღულიამ 92.
გია მურღულია უმრავლესობამ წარადგინა, უმრავლესობის მიღმა დარჩენილმა დეპუტატებმა კი ბონდო მძინარაშვილი, ზაზა აბაშიძე და დოდო შონავა.
საქართველოს კანონმდებლობით, მეურვეებს 6 წლის ვადით ირჩევენ.