ფრანგულმა კოსმეტიკურმა კომპანიამ L’Oreal-მა კანის მოვლის საშუალებების აღწერილობიდან სიტყვა "გათეთრება" ამოიღო. ამის შესახებ კომპანიამ ოფიციალური განცხადება გაავრცელა.
კომპანიის გადაწყვეტილებით, პროდუქციის აღწერილობიდან ამოიღეს ასევე სიტყვები "თეთრი", "გათეთრება", "ღია" და "ნათელი".
კოსმეტიკურმა ბრენდმა აღნიშნული გადაწყვეტილება რასიზმის საწინააღმდეგო გლობალური საპროტესტო ტალღის ფონზე მიიღო, რაც შეერთებულ შტატებში, შავკანიანი ჯორჯ ფლოიდის მკვლელობას მოჰყვა.
L’Oreal-ი აცხადებს, რომ იგი მხარდაჭერას უცხადებს შავკანიან საზოგადოებას და ნებისმიერი სახის ძალადობას გმობს.
მანამდე მსგავსი გადაწყვეტილება მიიღო ინგლისურ-ნიდერლანდურმა კომპანიამ Unilever-მა.
ამერიკულმა კომპანიამ Johnson&Johnson-მა კი აზიისა და ახლო აღმოსავლეთის ბაზრიდან მთლიანად ამოიღო კრემები, რომლებიც კანის ფერს აღიავებს.
