ქართული ოცნების ხელისუფლება არის ყველაზე ჰუმანური ხელისუფლება, რაც კი ჰყოლია საქართველოს. ამის შესახებ საპარლამენტო უმრავლესობის წევრმა, გუგული მაღრაძემ პარლამენტის პლენარულ სხდომაზე განაცხადა, სადაც სახალხო დამცველის ანგარიშის წარდგენა მიმდინარეობს.
გუგული მაღრაძის განცხადებით, მიუხედავად იმისა, რომ ქართული ოცნების ხელისუფლება ყველაზე ჰუმანურია, მას მაინც სჭირდება სახალხო დამცველის თანადგომა და პრობლემების მოგვარებაში დახმარება.
"მე საკმაოდ დიდი გამოცდილება მაქვს ქვეყანაში რა ხდებოდა. იმიტომ, რომ კიდეც მეშინია ხანდახან რომ გავხედავ, 90-იანი წლების მერე ვუყურებ რა ხდება ქვეყანაში. გინდაც ასე ჩამოართვით, გინდათ ისე, მაინც შემიძლია ხაზგასმით ვთქვა, რომ ქართული ოცნების ხელისუფლება არის ყველაზე ჰუმანური ხელისუფლება, რაც ჰყოლია საქართველოს. მაგრამ არის პრობლემები რომელსაც სჭირდება სახალხო დამცველის მხრიდან მხარში დადგომა და პრობლემების მოგვარებაში. მე ასე ვხედავ სახალხო დამცველის ფუნქციას", - განაცხადა მაღრაძემ.