თბილისში, ქერჩის ქუჩაზე შეზღუდული შესაძლებლობის მქონე ბავშვთა სპეციალიზებული მცირე საოჯახო ტიპის სახლი გაიხსნა. პროექტი ამრიკის მთავრობის ფინანსური მხარდაჭერით განხორციელდა. ინფორმაციას ამერიკის საელჩო ავრცელებს.
"ამერიკის მთავრობის მხარდაჭერით შეზღუდული შესაძლებლობის მქონე ბავშვები იცხოვრებენ სახლის ტიპის გარემოში და იქნებიან ინდივიდუალური სამედიცინო მზრუნველობის ქვეშ. ეს ახალი შენობა გადაეცემა საქართველოს მთავრობას დიდი თავშესაფრების დეცენტრალიზაციის ძალისხმევის მხარდასაჭერად. აღნიშნული პროექტი აშშ-ის თავდაცვის დეპარტამენტის ჰუმანიტარული დახმარების პროგრამამ 1,2 მილიონამდე ლარით დააფინანსა. თავშესაფარი დღეს ელჩი კელი დეგნანის მონაწილეობით ოფიციალურად გაიხსნა", - ნათქვამია განცხადებაში.
მცირე საოჯახო ტიპის სახლში „თბილისის ჩვილ ბავშვთა სახლში“ მყოფი ბენეფიციარების ნაწილი გადავა.
