გერმანიის ქალაქ კელნში კაიზერ ვილჰელმ მეორის ქანდაკება დააზიანეს. იტყობინება Deutsche Welle.
ადგილობრივი პოლიციის განცხადებით, ინცინდენტი გუშინ გვიან ღამე მოხდა. ქანდაკებაზე სხვადასხვა ფერის საღებავების კვალია აღბეჭდილი.
ქანდაკებასთამ ახლოს აღმოაჩინეს პლაკატები, სადაც დაგმობილია "გერმანიის იმპერიის მიერ სხვა ქვეყნების კოლონიზაციაში ვილჰელმ მეორის წვლილი".
ვილჰელმე II გერმანიის იმპერიას 1888-1918 წლებში განაგებდა. ისტორიკოსების აზრით, 1904 წლიდან 1908 წლამდე, კაიზერის ჯარებმა სამხრეთ-დასავლეთ აფრიკის კოლონიაში გაანადგურეს ადგილობრივი ტომების ათასობით წარმომადგენელი. ხოცვა-ჟლეტა იყო საპასუხო რეაქცია ადგილობრივების აჯანყებისა გერმანიის კოლონიური ხელისუფლების წინააღმდეგ, რომელიც დაიწყო 1904 წლის იანვარში.
2016 წელს გერმანიის მთავრობამ ოფიციალურად აღიარა ამ ტომების მასობრივი განადგურება. გერმანიის საგარეო საქმეთა სამინისტრომ ოფიციალურად ბოდიში მოიხადა ნამიბიაში.