უკრაინაში, ძლიერი წვიმისა და მდინარეების ადიდების შედეგად, ქალაქ გალიჩის რეგიონალური საავადმყოფო დაიტბორა, სადაც COVID-19-ით ინფიცირებულ დაავადებულ პაციენტებს მკურნალობენ. ამ დროისათვის უკრაინის პრემიერ-მინისტრი დენის შმიგალი დაზარალებულ რეგიონში იმყოფება.
"შენობების ნაწილი დავათვალიერეთ. აშკარაა, რომ სიტუაცია კრიტიკულია. რეალურად წყალდიდობის მასშტაბი 2008 წლის მოვლენებს აღემატება. დატბორილია რეგიონალური სამედიცინო დაწესებულება, საიდანაც ახლა პაციენტების ევაკუაცია მიმდინარეობს. არსებობს გარკვეული გართულებები, რადგან პაციენტებს შორის არიან COVID-19-ით ინფიცირებულებიც", - განაცხადა შმიგალმა.
პრემიერ-მინისტრის განცხადებით, დღეს ასევე მოინახულებს მაღალმთიანი ტერიტორიებსაც.
