ჩეხეთის რესპუბლიკის ელჩმა საქართველოში მაღალი შეფასება მისცა საქართველოს მიერ Covid19 პანდემიის შეკავების პროცესის ეფექტიან მართვას. იუწყება აჭარის მთავრობის პრესსამსახური.
აჭარის მთავრობის თავმჯდომარემ, თორნიკე რიჟვაძემ შეხვედრა გამართა საქართველოში ჩეხეთის რესპუბლიკის ელჩთან პეტრ მიკისკასთან.
მხარეებმა გაცვალეს ინფორმაცია პანდემიის ფონზე არსებული მდგომარეობის შესახებ. ელჩმა ხაზი გაუსვა საქართველოს წარმატებულ და დროულ რეაგირებას კორონავირუსის შეკავების და მართვის პროცესთან დაკავშირებით.
მხარეებმა განიხილეს თანამშრომლობა ეკონომიკის, გარემოს დაცვის და სოფლის მეურნეობის მიმართულებით.
ჩეხეთის განვითარების სააგენტოსთან ერთად იგეგმება ერთობლივი პროექტების განხორციელება მყარი ნარჩენების და მაჭახელაში ეკოტურიზმის განვითარების კუთხით.
