„ვინც მხარი არ დაუჭირა კანონპროექტს, მათი მხრიდან ეს არის ფარისევლობა , – ასე გამოეხმაურა საპარლამენტო ფრაქცია „დამოუკიდებელი დეპუტატების“ წევრი ბექა ნაცვლიშვილი მის მიერ ინიცირებული კანონპროექტის ჩაგდებას, რომელიც შრომის კოდექსში ცვლილებებს ითვალისწინებდა .
„ვინც მხარი არ დაუჭირა კანონპროექტს, მათი მხრიდან ეს არის ფარისევლობა. როცა დეპუტატები სახლში ვიჯექით, ეს ადამიანები შრომობდნენ და ჩვენს ყოველდღიურ საჭიროებებს უზრუნველყოფდნენ. კარგია, რომ მადლობას უხდის მათ ყველა, პრემიერ-მინისტრით დაწყებული, დეპუტატებით დამთავრებული. მაგრამ, მადლობა საკმარისი არ არის. ექიმების, ექთნების, სუპერმარკეტში და სხვადასხვა სექტორში დასაქმებული პირების მიმართ, მათი მადლობა გულწრფელი მაშინ იქნებოდა, ამ კანონისთვის მხარი რომ დაეჭირათ.”, – განაცხადა ბექა ნაცვლიშვილმა.
კანონპროექტის მიზანი სამუშაო დროის ხანგრძლივობა და ზეგანაკვეთური სამუშაო დროის 1.5 ოდენობით ანაზღაურებას გულისხმობდა. დასვენებისა და შესვენების დროებში ცვლილებების შეტანის საფუძველზე, საქართველოს მიერ დასაქმებულთა დაცვის კუთხით აღებული ვალდებულებების ჯეროვნად შესრულებაა.
კანონპროექტის მიღების შემთხვევაში მოწესრიგდებოდა ზეგანაკვეთური და ღამის შრომის ანაზღაურება, დამსაქმებელს დაეკისრებოდა სამუშაო დროის აღრიცხვის ვალდებულება, მოხდებოდა არასრულწლოვანთა შრომის რეგლამენტირება და ცვლებს შორის შესვენების ხანგრძლივობის განსაზღვრა.
ბექა ნაცვლიშვილმა კანონპროექტი „დამოუკიდებელი პროფკავშირების ახალ გაერთიანებასთან” და პროფკავშირების სოლიდარობის ქსელთან ერთად მოამზადა.