სახელმწიფო ინსპექტორმა ლონდა თოლორაიამ არასამთავრობო სექტორისა და სახალხო დამცველის აპარატის წარმომადგენლებთან ონლაინ შეხვედრა გამართა.
შეხვედრაზე ლონდა თოლორაიამ სახელმწიფო ინსპექტორის სამსახურის საქმიანობის შესახებ ისაუბრა. მან არასამთავრობო ორგანიზაციებს წარმომადგენლებს დეტალური ინფორმაცია მიაწოდა სამსახურის მიერ განხორციელებული საქმიანობისა და სამომავლო გეგმების შესახებ.
სახელმწიფო ინსპექტორმა პრეზენტაციის დროს ხაზგასმით აღნიშნა, რომ ქვეყნისთვის, სამსახურის ახალი, საგამოძიებო მიმართულების ამოქმედება წინგადადგმული ნაბიჯია.
შეხვედრის მონაწილეებმა სახელმწიფო ინსპექტორს მათთვის საინტერესო კითხვები დაუსვეს, რომლებზეც ამომწურავი პასუხები მიიღეს.
სახელმწიფო ინსპექტორის სამსახური არასამთავრობო ორგანიზაციებთან და სახალხო დამცველის აპარატთან მსგავს ფორმატში თანამშრომლობას სამომავლოდაც გააგრძელებს.
