ოპოზიციური პარტიების საერთო რეიტინგი მხოლოდ 35-40 პროცენტი იქნება, - განაცხადა საპარლამენტო უმრავლესობის ლიდერმა, მამუკა მდინარაძემ.
მისი თქმით, დანარჩენი კი მმართველი სახელისუფლებო გუნდის, რაც იმას ნიშნავს, რომ მისი გუნდი დამაჯერებლად გაიმარჯვებს.
„საბოლოო ჯამში, მთელი ეს ერთობა მაქსიმუმ 35, კიდევ უფრო მაქსიმუმ 40- პროცენტიან ნიშაში ზის, რაც მათ უნდა გაინაწილონ. ერთ შემთხვევაში „ევროპულ საქართველოს“ ექნება 3 პროცენტი და 12 „ნაციონალურ მოძრაობას“, თუ 5 „ევროპულ საქართველოს“ და 10 „ნაცმოძრაობას“, ისინი საერთო რეიტინგს იყოფენ და ჩემი წარმოდგენით, რეალური კვლევების გათვალისწინებითაც, მათი საერთო რეიტინგი იქნება 35-40 პროცენტი, დანარჩენი იქნება მმართველი სახელისუფლებო გუნდის შედეგი, რაც ჩვენ მოგვცემს იმის საშუალებას, რომ არჩევნებში დამაჯერებლად გავიმარჯვოთ“,- განაცხადაა მდინარაძემ.
