"IMF-ის მონაცემებით, ბიუროკრატიული ხარჯების სიმცირით მშპ-სთან შედარებით საქართველო არის მეორე ადგილზე. გახსენით წიგნი, რაღაცა წაიკითხეთ, პირველ ადგილზე არის სინგაპური, მეორე ადგილზე არის საქართველო", – ასე მიმართა პრემიერ-მინისტრმა ოპოზიციას პარლამენტის პლენარულ სხდომაზე.
"ევროპული საქართველოს" წევრი სერგი კაპანაძე დაინტერესდა, რომელ რეიტინგს ეყრდნობა საქართველოს მთავრობა, როდესაც აცხადებს, რომ ბიუროკრატიული ხარჯების სიმცირით ლიდერობს.
"25 მილიონით ხარჯები გაიზარდა იმიტომ, რომ სასწრაფო დახმარების მთლიანი სტრუქტურა მერიიდან გადავიდა ჯანდაცვის სამინისტროში. ბიუროკრატიულ ხარჯებზე როცა ვსაუბრობთ, ეს დროშა რომ გიჭირავთ და აქნევთ, IMF-ის მონაცემებით, საქართველო ბიუროკრატიული ხარჯებით, მშპ-სთან შედარებით, არის მეორე ადგილზე. პირველ ადგილზე არის სინგაპური, მეორეზე - საქართველო. გახსენით წიგნი, რაღაცა წაიკითხეთ", - განაცხადა გიორგი გახარიამ.