ფინანსთა სამინისტროს საგამოძიებო სამსახურმა, განსაკუთრებით დიდი ოდენობით პროდუქციაზე გამოწერილი ყალბი საგადასახადო დოკუმენტაციის ჯგუფურად დამზადება-გამოყენების ფაქტზე, ორი მოქალაქე დააკავა.
დაკავებულია შპს „თბილქალაქგანათების" თანამშრომელი ნიკოლოზ სოფაძე და ინდმეწარმე ვეფხვია მინდიაშვილი. მათ სხვადასხვა დროს დაამზადეს და გამოიყენეს დაახლოებით 120 000 ლარის პროდუქციაზე გამოწერილი ყალბი საგადასახადო
ანგარიშ-ფაქტურები და სასაქონლო ზედნადებები, რითაც სახელმწიფო ბიუჯეტს მნიშვნელოვანი მატერიალური ზიანი მაიდგა.
მიმდინარეობს წინასწარი გამოძიება საქართველოს სისხლის სამართლის კოდექსის 210-ე მუხლით, რაც ითვალისწინებს თავისუფლების აღკვეთას ოთხიდან შვიდ წლამდე ვადით.
