ევროპის სატრანსპორტო სფერო ეკონომიკის სხვა სექტორებზე მეტად განიცდის მოგზაურობის შეზღუდვებს. მოსალოდნელია, რომ წლის ბოლომდე საჰაერო გადამზიდავები 82 მლრდ ევროს შემოსავალს და 6-7 მლნ სამუშაო ადგილს დაკარგავენ. იუწყება Euronews-ი.
ავიაკომპანია Brussels Airlines-მა 1000-მდე სამუშაო ადგილის შემცირებაზე უკვე განაცხადა. ამ ციფრების უკან კი ადამიანები დგანან, ისეთი როგორიც ბორტგამყოლი მიუკ მარტინია, 23 წლის სამუშაო სტაჟით.
"ბევრს, მათ შორის მეც, გათავისუფლების ეშინია, იმიტომ რომ ჩვენ გვყავს ოჯახები, რომელზედაც უნდა ვიზრუნოთ. ვფიქრობ იმაზე შევძლებ თუ არა სხვა სამსახურის პოვნას. განსაკუთრებით ჩემს ასაკში", - განაცხადა მან.
Brussels Airlines-ი ფინანსურ მხარდაჭერაზე ბელგიის მთავრობასთან მოლაპარაკებებს უკვე აწარმოებს. მოლაპარაკებებია ასევე მის მფლობელთან Lufthansa-თან.
პროფკავშირების წარმომადგენლები კი განმარტავენ, რომ გერმანულ გიგანტს სურს, რომ ბელგიური ავიაკომპანია დაბალბიუჯეტიან კომპანიად აქციოს.
"Lufthansa-ს განიხილავს, რომ Brussels Airlines-ი "ლოუქოსტერად" აქციოს. ჩვენმა მთავრობამ უნდა შეისწავლოს, თუ როგორ იქნება გამოყენებული ბელგიის ბიუჯეტიდან მიღებული თანხები. დაფინანსება ბევრს სჭირდება და შეუძლებელია სახელმწიფომ ფული გასცეს უცხოურ ბიზნესზე თუ არ ეცოდინება რაში დაიხარჯება", განმარტავენ პროფკავშირებში.