ესპანეთის ტრანსპორტის მინისტრი, ხოსე ლუის აბალოსი აცხადებს, რომ სავარაუდოდ, ქვეყანაში საერთაშორისო ტურისტების მიღებას ივნისის ბოლოდან შეძლებენ.
ტურიზმს ესპანეთის ეკონომიკის 12% -ზე მეტი უჭირავს, თუმცა ეს სექტორი კორონავირუსის პანდემიით გამოწვეულმა შეზღუდვებმა ძლიერ დააზარალა.
გასულ კვირას ქვეყანამ საზღვარგარეთიდან შემოსულ ყველა მოგზაურზე ორკვირიანი სავალდებულო კარანტინის გავლა დააწესა, რადგან საჭიროა COVID-19– ის მეორე ტალღის თავიდან აცილება.
ტრანსპორტის მინისტრის თქმით, სავალდებულო კარანტინი დროებით ღონისძიებაა.
"იმედი გვაქვს, რომ ივნისის ბოლოდან ტურიზმის აქტიურობას ვიხილავთ. ჯანდაცვის თვალსაზრისით ესპანეთი მიმზიდველი ქვეყანა უნდა გახდეს", - დასძინა ტრანსპორტის მინისტრმა.
მისივე განცხადებით, საერთაშორისო ტურიზმის აღდგენა, შიდა რეგიონთაშორისი ტურიზმის აღდგენის პარალელურად დაიწყება.