„სვანეთის ახალგაზრდული მოძრაობა“ სოციალურ ქსელში ხელისუფლებას მიმართავს, რომ საპარლამენტო არჩევნებში მაჟოროტარობის კანდიდატად გოჩა ენუქიძე არ დაასახელოს. მოძრაობის ინფორმაციით, არჩევნების შემდეგ ის სავნეთში არ ყოფილა და პარლამენტიშიც სვანეთის საკეთილდღეოდ არც ერთი საკითხი არ დაუყენებია.
ცნობისთვის, ამბროლაურის, ონის, ცაგერის, ლენტეხისა და მესტიის საარჩევნო ოლქში “ქართული ოცნების” მაჟორიტარი დეპუტატობის კანდიდატად გოჩა ენუქიძე მაშინდელმა პრემიერ-მინისტრმა, გიორგი კვირიკაშვილმა წარადგინა.
„სვანეთის მოსახლეობას რომ კითხოთ უმეტესობამ არც კი იცის ვინ არის ჩვენი მაჟორიტარი დეპუტატი! რისთვის ავირჩიეთ ჩვენი წარმომადგენელი პარლამენტში?! ფაქტია , რომ ბატონი გოჩა ენუქიძე არჩევნების მერე არც ამოსულა სვანეთში და არც დაინტერესებულა სვანეთის ბედ-იღბლით, არც სვანი მოსახლეობის პრობლემებით, არ ჩარეულა არც ერთ პრობლემურ საკვანძო საკითხში, არ დაუყენებია არცერთი საკითხი პარლამენტში სვანეთის საკეთილდღეოდ!!! და მაშინ ისმის კითხვა - გვინდა ჩვენ ასეთი ვითომ დეპუტატი სვანეთის წარმომადგენლად და უფლებადამცველად პარლამენტში???!!!! სვანეთის მოსახლეობამ არც კი იცის ვინაა იგი სადაა და საერთოდ ჩვენი დეპუტატი რომ არის ის თუ ახსოვს?! მივმართავთ მთავრობას ჩვენ არ გვჭირდება #ცრუდეპუტატები #ადრენაცები ახლა ქოცები, ყველას და ყველაფერს მორგებული #ვითომდეპუტატეობით გაბობოლებული პარლამენტარები ,ამოტომაც თქვენთვისვე აჯობებს თუ კანდიდატს სწორად და ჭკვიანირად შეარჩევთ! ვიმედოვნებთ რომ თქვენს გუნდში მოიძებნება სუფთა სულის პატრიოტი ადამიანი ვინც გულწრფელად გაიზიარებს ჩვენ გასაჭირს #ჩვენსმოთმინებასაცააქვსსაზღვარი!!!“, - წერია მოძრაობის მიერ ფეისბუქში გავრცელებულ განცხადებაში.