"მე ახლა ვერ ვიქნები ქართულ ოცნებაში, რადგან ის შეცდომები, რაც მან დაუშვა ძალიან მძიმე შეცდომებია",- ეს განცხადება თამარ ხულორდავამ "ფორმულას" პირდაპირ ეთერში გააკეთა.
მისი თქმით, მმართველი გუნდის შეცდომების გამო ქვეყნის რეპუტაცია საფრთხის ქვეშაა და არსებულის გამოსწორება სწორედ მათი პასუხისმგებლობაა.
"იმ მომენტში, როცა ჩავთვალე რომ ჩემი ადგილი ამ გუნდში აღარ იყო, მივიღე გადაწყვეტილება და დავტოვე ეს გუნდი. ზოგჯერ მიწევს ისეთის თქმა, რაც ალბათ ყოფილი თანაგუდნელებისთვის სასიამოვნო არაა, მაგრამ მე მარცხს მათ არ ვუსურვებ. თუმცა ის ნაბიჯები რაც ახლა იდგმევა, დამღუპველია არამხოლოდ მათთვის, არამედ მთლიანად ქვეყნისთვის. ამიტომ აუცილებელია, ხელისუფლებამ ახლა გადადგას კონკრეტული ნაბიჯები, რათა შელახული რეპუტაცია გამოსწორდეს", - აცხადებს თამარ ხულორდავა.
