გერმანიის ფედერაციული რესპუბლიკის კანცლერი, ანგელა მერკელი აცხადებს, რომ ჰაკერული თავდასხმის მიუხედავად, რუსეთთან ურთიერთობების გაუმჯობესებას ეცდება
" ვეცდები კარგი ურთიერთობა გავაგრძელოთ რუსეთთან, რადგან ვფიქრობ, რომ არსებობს ყველა მიზეზი დიპლომატიური ძალისხმევისთვის, მაგრამ ეს მარტივი არ იქნება", - განუცხადა მერკელმა ბუნდესტაგის წევრებს, როდესაც მას ჰაკერული თავდასხმის შესახებ ჰკითხეს.
გასულ კვირას, გავლენიანმა გერმანულმა გამოცემამ Spiegel-მა გამოაქვეყნა სტატია, სადაც ნათქვამი იყო, რომ შესაძლოა, რუსეთი მდგარიყო 2015 წელს ანგელა მერკელის ელექტრონულ ფოსტაზე კიბერთავდასხმისა და ათასობით წერილის მოპარვის უკან.
მოსკოვი გავრცელებულ ინფორმაციას კატეგორიულად უარყოფს.