საერთაშორისო დონის სამხრეთ კორეული კომპანია "სამსუნგი" მობილური ტელეფონების ქართველი მომხარებლების დაცვის მიზნით საქართველოში ჰოლოგრამების კამპანიას იწყებს. 2010 წლის ოქტომბრიდან ქართველ მომხმარებელს ჰოლოგრამის საშუალებით ექნება შესაძლებლობა "სამსუნგის" ორიგინალი მობილური გაარჩიოს ფალსიფიცირებულისგან.
"სამსუნგი" ახალი კამპანიის _ "მოითხოვე "სამსუნგის" მობილური მხოლოდ ჰოლოგრამით" _ შესახებ დღეს, 13 ოქტომბერს, 11:00 საათზე, "თბილისი მარიოიტში" დაეგმილ შეხვედრაზე ოფიციალურად განაცხადებს, რომელსაც კომპანია "სამსუნგის" ოფიციალურ დილერებთან ერთად სავაჭრო ქსელების წარმომადგენლებიც დაესწრებიან.
პრეზენტაციის ფარგლებში კომპანია "სამსუნგი" მობილური ტელეფონების უახლეს მოდელებსაც წარმოადგენს. პრეზენტაციას დილერებისთვის "სამსუნგის" წარმომადგენელი ბატონი ოჰ სუნგ კიმი ჩაატარებს.