საქართველოს პრემიერ-მინისტრი, გიორგი გახარია მოქალაქეებს ქართლი პროდუქტის შეძენისკენ მოუწოდებს. ამის შესახებ პრემიერ-მინისტრმა სოფლის მეურნეობის ანტიკრიზისული გეგმის პრეზენტაციაზე განაცხადა.
„სოფლად ფერმერებმა უნდა გააგრძელონ მუშაობა და არ უნდა დარჩეს დაუმუშავებელი მიწა. ეს არის ჩვენი მიზანი. გარდა ამისა, შემდეგი მიზანი, რაც სისტემური გამოწვევაა სოფლის მეურნეობის დარგისთვის, არის დარგის ინდუსტრიალიზაცია. ჩვენ გვჭირდება ინდუსტრიული სოფლის მეურნეობა და პროდუქტიულობის ზრდა... ერთადერთი, რაც დაგვრჩენია, ვუთხრათ ჩვენს მოქალაქეებს, ვიდრე ჩვენ მსჯელობას დავიწყებთ ამ პროგრამის დეტალებზე, შევიძინოთ ქართული პროდუქტები, რომლებიც ხდება სულ უფრო და უფრო ხარისხიანი. ყველაფერი გავაკეთოთ, რათა ჩვენი აგროსასურსათო უსაფრთხოების დაკმაყოფილების შემდგომ სოფლის მეურნეობის პროდუქტები საერთაშორისო ბაზრებზე იყვნენ კონკურენტუნარიანები. ჩვენ ეს შეგვიძლია და ჩვენ ეს უნდა გავაკეთოთ", - თქვა გახარიამ.
საქართველოს მთავრობამ სოფლის მეურნეობის ანტიკრიზისული გეგმის პრეზენტაციაზე გაიმართა.
გეგმის მიხედვით, თითოეული ფერმერი ყოველ რეგისტრირებულ ერთ ჰექტარ სასოფლო-სამეურნეო მიწის ნაკვეთზე სუბსიდიის სახით 200 ლარს მიიღებს. გარდა ამისა თითოეული ფერმერი, ერთ ჰექტარზე 150 ლიტრ დიზელის საწვავს მიიღებს.