კოვიდინფიცირებული პაციენტები, რომლებიც რუსეთში, სანქტ პეტერბურგის წმინდა გიორგის საავადმყოფოში გაჩენილ ხანძარს ემსხვერპლნენ, ერთ პალატაში იმყოფებოდნენ. იუწყება სააგენტო "ინტერფაქსი".
გამოცემის ინფორმაციით, სხვა პალატებში მყოფი პაციენტები არ დაშავებულან.
ამ დროისთვის, ხანძრის გამომწვევი მიზეზი უცნობია.
ხანძარი საავადმყოფოს მეექვსე სართულზე გაჩნდა. ამ სართულზე მყოფი ყველა პაციენტი სხვა სართულებზე გადაიყვანეს.
ინტენსიური თერაპიის განყოფილებაში ხანძარი სამშაბათს, მოსკოვის დროით, დილის 6 საათის შემდეგ გაჩნდა. შენობიდან 150 ადამიანი იქნა ევაკუირებული.
ხუთივე გარდაცვლილი კორონავირუსით იყო ინფიცირებული და ხელოვნური სუნთქვის აპარატზე იმყოფებოდნენ.