შეერთებულ შტატებში კორონავირუსით გარდაცვლილთა რაოდენობამ 80 ათასს გადააჭარბა.
ბოლო 24 საათში, ქვეყანაში კორონავირუსით 830 ადამიანი გარდაიცვალა. წინა დღით, ეს მაჩვენებელი 776-ს შეადგენდა. სულ შეერთებულ შტატებში ვირუსული ინფექციით 80 397 ადამიანი გარდაიცვალა.
შეერთებულ შტატებში კორონავირუსით ინფიცირების 1 347 881 შემთხვევაა აღრიცხული, რაც 16-ჯერ აღემატება ჩინეთის მონაცემებს, საიდანაც იფეთქა ვირუსმა.
