საქართველოს, როგორც ტურისტული ბრენდის, ტურისტული ლოკაციის სიძლიერეს, უნდა დავუმატოთ ახალი საქართველო, როგორც პანდემიისგან უსაფრთხო ზონა, - განაცხადა საქართველოს პრემიერ-მინისტრმა გიორგი გახარიამ.
მისი თქმით, ტურიზმი კი არ უნდა შეშინდეს და უკან დაიხიოს, არამედ მან უნდა დაუმტკიცოს ყველას, რომ ჩვენ ინფექციას ვმართავთ ისე, რომ შეგვიძლია ამავდროულად "მივიღოთ ღირსეულად ტურისტები და სტუმრები ჩვენს ქვეყანაში".
"ყველაფერი, რაც გაკეთებული გვქონდა და რაშიც დრო, ფინანსური რესურსი ჩავდეთ, ამას ერთი დამატებითი არგუმენტი კიდევ უნდა დავუმატოთ. ყველაფერთან ერთად: იმით, რომ საქართველო არის ღვინის სამშობლო, არის არგონავტების სამშობლო, რომ მედეა აქედან წაიყვანეს საბერძნეთში, ამას ემატება ის რომ ეს ქვეყანა ეფექტურად უმკლავდება პანდემიას და ვირუსის თვალსაზრისით უსაფრთხოა. ამის მისაღწევად მხოლოდ ამის დეკლარირება საკმარისი არ არის. გახსნის პროცესში უკიდურესად ფრთხილები უნდა ვიყოთ", - აცხადებს გახარია.
