რუსეთის საგარეო საქმეთა სამინისტრო შეერთებულ შტატებს "ნაციზმზე გამარჯვების ისტორიის გადაწერის მცდელობაში" ადანაშაულებს. ამის შესახებ ნათქვამია საგარეო უწყების მიერ გავრცელებულ განცხადებაში.
"ნაციზმის დამარცხების შედეგებისა და ჩვენი ქვეყნის გადამწყვეტი წვლილის დამახინჯების მცდელობები, რომელიც ვაშინგტონში, გამარჯვების 75 წლის იუბილესთან დაკავშირებულ საზეიმო ვითარებაშიც კი არ წყდება, უკიდურესად აღშფოთებულია.
ამასთან დაკავშირებით, ჩვენ არ შეგვიძლია უგულვებელვყოთ სოციალურ ქსელებში თეთრი სახლის გვერდებზე გამოქვეყნებული კომენტარები, სადაც ნაცისტური გერმანიის გამარჯვება ექსკლუზიურად ამერიკასა და დიდ ბრიტანეთს მიეწერება.
ამ დიდებული დღესასწაულის წინ, ამერიკელ ჩინოვნიკებს არ აღმოაჩნდათ საკმარისი გამბედაობა და სურვილი, ნახევარი სიტყვით მაინც მიეგოთ პატივი უდაო წვლილისა და კოლოსალური, განუზომელი მსხვერპლისთვის, რომელიც წითელმა არმიამ და საბჭოთა ხალხმა გაიღეს მთელი კაცობრიობისთვის", - ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში.
განცხადებაში აღნიშნულია, რომ "ეს დამოკიდებულება ეწინააღმდეგება პრეზიდენტ ტრამპისა და პრეზიდენტ პუტინის მიერ გავრცელებული ერთობლივი განცხადების სულისკვეთებას, რომელიც მდინარე ელბაზე საბჭოთა და ამერიკელი სამხედროების შეხვედრის 75 წლისთავს შეეხებოდა".
შეგახსენებთ, 8 მაისს თეთრმა სახლმა გაავრცელა ვიდეორგოლი, სადაც ნათქვამია, რომ ნაციზმი შეერთებულმა შტატებმა და დიდმა ბრიტანეთმა დაამარცხეს.