სარფის საბაჟოზე მიმდინარე სამშენებლო სამუშაოებისა და ქობულეთის გზის სარეაბილიტაციო სამუშაოების გამო გადამზიდველებს გარკვეული შეფერხებები შეექმნა.
აღნიშნულმა სარფის თურქეთის მხარეს ტრაიელერების დიდი რიგები გამოიწვია.
პრობლემის დროულად გადაწყვეტისათვის ადგილზე მივიდნენ აჭარის მთავრობის თავმჯდომარე ლევან ვარშალომიძე, აჭარის საბაჟოს და საპატრულო სამსახურების ხელმძღვანელობა, ხოლო თურქეთის მხრიდან ართვინის გუბერნატორი მუსტაფა იემლიჰალიოღლუ, თურქეთის სავაჭრო ატაშე ვოლკან ბერკერი, ხოფისა და არხავის გამგებლები და თურქეთის სარფის საბაჟოს უფლებამოსილი პირები.
ორივე მხარე თანხმდება იმაზე, რომ პრობლემების მოგვარება ორივე მხარისათვის მნიშვნელოვანია, რამდენადაც იგი ხელს უშლის გადამზიდველებს, მძღოლებს უხდებათ რიგში დგომა, ხოლო საქართველოს მხარეს ფირმებს უგვიანდებათ დაკვეთების დროულად მიღება.
პრობლემის დროულად გადაწყვეტისათვის ადგილზე ისაუბრეს და გადაწყდა, რომ რამოდენიმე დღეში საზღვარზე რიგები აღარ იქნება.
ტრაიელერები რეაბილიტაციის მიმდინარეობის საათებში გაჩერდებიან ბათუმსა და ქობულეთში სპეციალურად გამოყოფილ ადგილებში, ხოლო თავისუფალ საათებში გზას ჩვეულებრივად გააგრძელებენ.