ევროზონის ეკონომიკა შესაძლოა 7,7 პროცენტით შემცირდეს. ამის შესახებ Deutsche Welle წერს.
"ევროპა ეკონომიკურ შოკს განიცდის, რაც დიდი დეპრესიის შემდეგ არ მომხდარა", - განაცხადა ევროკომისარმა ეკონომიკის საკითხებში, იტალიის ყოფილმა პრემიერ მინისტრმა პაოლო ჯენტილონიმ.
კერძოდ, ევროკომისია ელოდება, რომ ევროკავშირის 27 ქვეყნის მშპ 2020 წელს 7,4 პროცენტით შემცირდება, ხოლო 2021 წელს კი დაახლოებით 6 პროცენტით გაიზრდება.
იმავე დროს, ევროკავშირის სხვადასხვა სახელმწიფოსთვის ეს მაჩვენებლები მნიშვნელოვნად განსხვავებული იქნება: მინუს 4 პროცენტი პოლონეთისთვის, მინუს 10 პროცენტი საბერძნეთისთვის. განსხვავებული იქნება ეკონომიკური გაჯანსაღების ტემპიც.
ევროკომისრის შეფასებით, ყველაფერი დამოკიდებული იქნება საკარანტინო შეზღუდვების გაუქმების ტემპზე, ეკონომიკის ტურიზმზე დამოკიდებულებასა და ბიუჯეტის ფინანსურ შესაძლებლობებზე.
ამასთან, მსგავსი უთანასწორობა სერიოზული საფრთხე შეიძლება იყოს ქვეყნის შიდა ბაზრის და ასევე ევროზონის ერთიანობისთვის.
"ჩვენ უნდა გავუმკლავდეთ ამ პრობლემას", - ხაზგასმით აღნიშნა ჯენტილონიმ.
