ბალტიისპირეთის ქვეყნებმა, ესტონეთმა, ლატვიამ და ლიეტუვამ მიაღწიეს შეთანხმებას, ერთმანეთთან საზღვრების გახსნის შესახებ. აღნიშნულთან დაკავშირებით ლატვიის პრემიერ მინისტრმა კრიშიანის კარინმსმა მიკრობლოგ "ტვიტერზე" დაწერა.
მისი განცხადებით, ვირუსის წარმატებით შეკავების შემდეგ, სამი ქვეყნის მოქალაქეების თავისუფალი გადაადგილება 15 მაისიდან ამოქმედდება.
სხვა ქვეყნებიდან ჩამოსულებს კი ორკვირიანი თვითიზოლაციის გავლა მოუწევთ.
ჯონს ჰოპკინსის უნივერსიტეტის მონაცემებით, ესტონეთში კორონავირუსით ინფიცირების 1 713 შემთხვევაა გამოვლენილი, გარდაცვლილია 55 პაციენტი. ლატვიაში 900 შემთხვევა და 15 გარდაცვლილი, ხოლო ლიეტუვაში 1 428 შემთხვევა და 48 გარდაცვლილი.
