ციტრუსის სეზონის დაწყებასთან დაკავშირებით აჭარის მთავრობის თავმჯდომარე სოფლის მეურნეობის მინისტრთან ერთად მეციტრუსეებს და ციტრუსის ექსპორტიორებს შეხვდა.
ლევან ვარშალომიძე წლევანდელი ციტრუსის სეზონის მიმდინარეობით და გასაღების ბაზრით დაინტერესდა. შეხვედრაზე ექსპორტიორებთან ერთად ციტრუსის რეალიზაციის ახალ საშუალებებზეც ისაუბრა.
მიმდინარე წელსაც აჭარაში მოწეული ციტრუსის ძირითადი იმპორტიორი ქვეყანა კვლავაც უკრაინა იქნება. ტრანსპორტი რითაც ციტრუსის გადაზიდვა მოხდება, მობილიზებულია.
წელს აჭარაში 50-დან 60 ათას ტონამდე ციტრუსს ელოდებიან. ციტრუსის უცხოეთის ბაზრების გარდა ადგილობრივ საწარმოებშიც გასაღდება.