"კომიტეტის შექმნის შემდეგ, ახალ საგადასახადო კოდექსზე მუშაობას მნიშვნელოვანი ადგილი დავუთმეთ. მთლიანობაში კომიტეტის მუშაობა დადებითად ფასდება, მიუხედავად იმისა რომ ჩვენი საგადასახადო-საბაჟო კომიტეტი ახალი ჩამოყალიბებულია, ბიზნესისთვის სასარგებლო სამუშაოები გავწიეთ", _ აცხადებს ზურაბ ლალაზაშვილი.

ბზინესასოციაციის საგადასახადო-საბაჟო კომიტეტის თავმჯდომარის თქმით, ახალი საგადასახადო კოდექსის პროექტზე მუშაობისას მნიშვნელოვანი იყო ის, რომ კომიტეტმა მოახერხა და ხელისუფლებას დღგ-თი დაბეგვრის ის წესი დაატოვებინა, რომელიც მთავრობას კოდექსის პირველ ვარიანტში ქონდა გამოტანილი.

ბიზნესასოციაციის საგადასახადო-სააჟო კომიტეტი, რომელიც ბიზნეს ასოციაციის წევრი კომპანიების წარმომადგენლებითაა დაკომპლექტებული ერთი წელია უკვე აქტიურად თანამშრომლობს ფინანსთა სამინისტროსთან, პრემიერ-მინისტრის აპარატთან და პარლამენტის საფინანსო-საბიუჯეტო კომიტეტთან. კომიტეტი თავიდანვე იყო ჩართული ახალ საგადასახადო კოდექსზე მუშაობის პროცესში და პრემიერ-მინისტრის ინიციატივით შექმნილი სამუშაო ჯგუფის ერთ-ერთი აქტიური მონაწილე იყო.

სამუშაო ჯგუფის ფორმატში მომზადებული ინიციატივები და შემიშვნები ახალ საგადასახადო კოდექსზე, მიეწოდებოდა საქართვეოს ფინანსთა სამინისტროს, ხოლო რიგ შემთხვევებში მათი განხილვა ხდებოდა უშუალოდ პრემიერ-მინისტრთან ან პარლამენტის საფინანსო საბიუჯეტო კომიტეტის თავმჯდომარესთან.

მთლიანოაში კომიტეტმა მთავრობას ასზე მეტი შენიშვნა და მოსაზება წარუდგინა, რომელთაგან საბოლოოდ კოდექსში ასახვა შენიშვნების დაახლოებით 60 %-მა ჰპოვა. ნაწიბრივ იქნა გათვალისწინებუი შეიშვნების 5 %-ი და არ იქნა გათვალისწინებული 35 %-ი.
კომიტეტის თავმჯდომარის ზურაბ ლალაზაშვილის შეფასებით სამუშაო ფორმატი წარმატებული აღმოჩნდა და მოხერხდა არაერთი მნიშვნელოვანი საკითხის კოდექსში გათვალისწინება.

"თუმცა მთლიანად საგადასახადო კოდექსის შეფასება ჯერ ნაადრევია, რადგანაც მისი ღირსება და ნაკლი მხოლოდ ამოქმედებიდან გარკვეუული პერიოდის შემდეგ გამოჩნდება. გარდა ამისა აღსანიშნავია ის გარემოებაც რომ კოდექსის დამტკიცების შემდგომ დაიწყო შესაბამის კანონქვემდებარე ნორმატიულ აქრტზე ერთობლივი მუშაობა, რასაც არანაკლებ დიდი პრაქტიკული მნიშვნელობა აქვს", _ აცხადებს ზურაბ ლალაზაშვილი.
შეგახსენებთ, რომ საქართველოს ბიზნეს ასოციაციაში, საგადასახადო-საბაჟო კომიტეტი 2009 წლის დეკემბერში შეიქმნა, რომელიც საგადასახადო-საბაჟო კუთხით, ასოციაციის წევრი კომპანიებისა და ზოგადად ბიზნესის ინტერესების დასაცავად მუშაობს.
კომიტეტი მჭიდროდ თანამშრომლობს საქართველოს ფინანსთა სამინისტროსთან და აქტიურად მონაწილეობს მიმდინარე სახელმწიფო რეფორმებში საგადასახადო და საბაჟო მიმართულებით, სადაც იგი წარმოადგენს ბიზნესის ინტერესებს. კომიტეტის ერთ-ერთი მთავარი დანიშნულებაა, სწორად მიაწოდოს ფინანსთა სამინისტროს ბიზნესის განვითარებასთან დაკაშირებული დაბრკოლებები, რომელიც შეიძლება არსებობდეს საგადასახადო და საბაჟო კუთიხთ.

კომიტეტის ძირითადი მიმართულებებია: საგადასახადო და საბაჟო სფეროს საკითხებთან დაკავშირებით სახელმწიფოს მიერ განხორციელებული რეფორმების მიმდინარეობაზე დაკვირვება, ანალიზი, განხილვა და ასოციაციის პოზიციის ჩამოყალიბება;
კომიტეტის ძირითადი მიმართულებაა ასევე, საგადასახადო და საბაჟო საკითხების მარეგულირებელი ნორმატიული აქტების სამართლებრივი ექსპერტიზა და მათი სრულყოფის შესახებ წინადადების მომზადება; საგადასახადო და საბაჟო სამართლებრივ საკითხებთან დაკავშირებით ასოციაციის წევრებთან და ბიზნეს წრეებთან ურთიერთობის უზრუნველოფა და ინფორმაციის ურთიერთგაცვლა და ასევე საგადასახადო და საბაჟო სამართლებრივ საკითხებთან დაკავშირებით საერთაშორისო ორგანიზაციებთან ურთიერთობა.

აღსანიშნავია, რომ ბიზნესასოციაციის კომიტეტის სხდომები ყოველთვიურად ტარდება, სადაც კომიტეტის წევრები განიხილავენ საგადასახადო და საბაჟო საკითხებს და მუშაობენ ფინანსთა სამინისტროსთვის შესათავაზებელ საკანონმდებლო ინიციატივებზე, რომელიც პოზიტიურად აისახება საქართველოს ბიზნეს გარემოზე. საგადასახადო-საბაჟო კომიტეტის წევრები არიან ასოციაციის წევრი კომპანიების შესაბამისი წარმომადგენლები - ძირითადად ფინანსური დირექტორები, მთავარი ბუღალტრები და იურისტები.