შეერთებულ შტატებში, ტორნადოს დროს დაკარგული ძაღლი ბელა სახლში 54 დღის შემდეგ დაბრუნდა. ინფორმაციას CNN-ი ავრცელებს.
გამოცემის ინფორმაციით, ტენესის შტატში მცხოვრები ოჯახში გარდაუვალ სიკვდილს, მათმა ძაღლმა, ბელამ გადაარჩინა. 3 მარტის ღამეს , როდესაც ოჯახის წევრებს ეძინათ, ბელამ თავისი პატრონი, ერიკი გააღვიძა და ეზოსკენ ექაჩებოდა.
ერიკ ჯონსონმა ტელევიზორი ჩართო, საიდანაც შეიტყო, რომ მათ საცხოვრებელ რაიონს ტორნადო უახლოვდებოდა. ამის შემდეგ მან, თავისი ცოლი და შვილები დაცულ ოთახში გადამალა. როდესაც ბელას წასაყვანად დაბრუნდა, ამ დროს სახლიც დაინგრა.
მას შემდეგ, რაც საფრთხემ ჩაიარა, აღმოაჩინეს, რომ ბელა დაიკარგა. ოჯახი თითქმის ორი თვის განმავლობაში უშედეგოდ ეძებდა მას. რამდენიმე დღის წინ, ბელა საცხოვრებელი სახლის სიახლოვეს აღმოაჩინეს.
ოჯახის წევრები ამბობენ, რომ ბელას გამოჩენით ბედნიერები არიან.
