პირველ საუნივერსიტეტო კლინიკაში ამ დროის მონაცემით, სულ 105 პაციენტი იმყოფება, ამათგან კოვიდ-ინფიცირებული 86 პირია.
თსსუ-ს პირველი საუნივერსიტეტო კლინიკის გენერალური დირექტორის ლევან რატიანის განცხადებით, დღეს 1 პაციენტი დატოვებს კლინიკას.
რატიანის თქმით, გუშინ გაგზავნილი პირველადი კვლევებით რამდენიმე ათეულ პაციენტს არ დაუდასტურდა ინფექცია. განმეორებითი ტესტი დღეს გააგზავნეს და თუ არ დადასტურდა 15-16 პაციენტი დატოვებს კლინიკას.
რატიანის განმარტებითვე, რეანიმაციაში რჩება 8 პაციენტი. მათი მდგომარეობა არის სტაბილური აქედან ერთი პაციენტი რჩება მართვით სუნთქვაზე, მისი მდგომარეობა კრიტიკულია.
