პირადად ჩემი ბრალი, რომ ვერ შევძელი სპეცდანიშნულების რაზმის წარმომადგენლები მოგვემზადებინა ისეთ მაღალ დონეზე, რომ მათ შეძლებოდათ კრიზისულ სიტუაციაში საკუთარი თავის გაკონტროლება. ეს მათი ბრალი არ არის - ეს ჩემი ბრალია. მე თავს არ ვიმართლებ, - განაცხადა საქართველოს ყოფლმა პრემიერ-მინისტრმა, ვანო მერაბიშვილმა „მთავარი არისხ“ ეთერში.
„ის სპეცრაზმელები, ვისზეც ჩვენ ვსაუბრობთ, ერთი კვირის წინ, სამი კვირის წინ, მორიგეობდნენ ცხინვალთან პოსტებზე. 3-4 თვეში ერთხელ ისინი იყვნენ თავდასხმის მსხვერპლი. ათეულობით ჩვენი სპეცრაზმელი დაიღუპა. ჩვენ არ გვქონდა იმდენი რესურსი, რომ ცალკე გვყოლოდა სპეცდანისნულების რაზმები, რომლებიც იყვნენ გამზადებული, თუ მიტინგი ჩატარდებოდა და ცალკე გვყოლოდა სპეცრაზმი, რომ ყოფილიყვნენ ფრონტის წინა ხაზზე. სამწუხაროდ, ვერ გავზომეთ, არ გვეყო ამისთვის დრო, ენერგია, ცოდნა, გამოცდილება, რომ ეს ადამიანები ისე გაგვეწვრთნა, რომ ბოლომდე დაეცვათ კანონის ნორმები და, რაც მთავარია, გაეკონტროლებინათ საკუთარი ემოციები“, - თქვა მერაბიშვილმა.
