საქართველოში უკრაინის შიდა საკითხების განხილვა, ქვეყნის ინტერესებისთვის ზიანის მომტანია, - განაცხადა ევროპული საქართველოს ერთ-ერთმა ლიდერმა, გიგა ბოკერიამ საქართველოს პარლამენტის თავმჯდომარის მიერ უკრაინის რადას სპიკერისთის გაგზავნილ წერლთან დაკავშირებით.
არჩილ თალაკვაძე უკრაინის უმაღლესი რადას დეპუტატებს აფრთხილებს, რომ მიხეილ სააკაშილის უკრაინის ვიცე-პრემიერად შესაძლო დანიშვნა ჩრდილს მიაყენებს ქვეყნებს შორის პოლიტიკურ თანამშრომლობას.
ბოკერიას თქმით, არ შეიძლება პოლიტიკურ დაპირისპირებას ყოფილ პრეზიდენტთან, ან პირად შუღლსა და სიძულვილს, გადააყოლო ქვეყნის ინტერესები.
"თალაკვაძის წერილი, ივანიშვილის გუნდის განცხადებები და მით უმეტეს, ის ნაბიჯები, რომელზეც ისინი საუბრობენ არის პირდაპირი ზიანის მომტანი საქართველოს ინტერესებისთვის. ჩვენს ქვეყანას სჭირდება უკრაინასთან სტრატეგიული პარტნიორობა. არ შეიძლება პოლიტიკურ დაპირისპირებას ყოფილ პრეზიდენტთან, ან პირად შუღლსა და სიძულვილს, გადააყოლო ქვეყნის ინტერესები. და ზოგადად, არავინ, არც მიხეილ სააკაშვილმა, არც ოპოზიციამ და არც ხელისუფლებამ, არ უნდა აქციოს უკრაინის შიდა ამბები, საქართველოში პოლიტიკური განხილვის საგნად“, - განაცხადა გიგა ბოკერიამ.
