საქართველოში ჯილეხის 22-ე შემთხვევა დაფიქსირდა.
თბილისის ინფექციურ საავადმყოფოში ჯილეხის დიაგნოზით 54 წლის მამაკაცი მოათავსეს. პაციენტი თბილისში გარდაბნის რაიონიდან გადმოიყვანეს.
მისი ახლობლების ინფორმაციით, პაციენტმა რამდენიმე დღის წინ ხორცი დაამუშავა და ჯილეხისათვის დამახასიათებელი წყლულები ხელზე სწორედ ამის შემდეგ გაუჩნდა.
ექიმების განცხადებით, პაციენტის ჯანმრთელობის მდგომარეობა საშუალო სიმძიმისაა.
