ვფიქრობ, რომ ერთი კვირის შემდეგ იქნება ისეთი სიტუაცია, რომ შესაძლებელი იქნება მანქანების მოძრაობის აღდგენა, - ამის შესახებ ინფექციური საავადმყოფოს დირექტორმა, თენგიზ ცერცვაძემ „პირველი არხის“ ეთერში განაცხადა.
მისი თქმით, მანქანების მოძრაობის შეზღუდვის გახანგრძლივებას, მხარს არ უჭერს, რადგან ძალიან დიდი დისკომფორტია.
“მე საგანგებო მდგომარეობის გახანგრძლივებას ვუჭერდი მხარს და ახლაც ვუჭერ. რაც შეეხება მანქანების მოძრაობის შეზღუდვის გახანგრძლივებას, მხარს არ ვუჭერ. ეს მაინც ძალიან დიდი დისკომფორტია. ძალიან ბევრს მართლა საქმისთვის სჭირდება სიარული და არა გასართობად. თუნდაც ავადმყოფებს, სხვადასხვა სამედიცინო პროცედურებისთვის და სხვა ღონისძიებებისთვის. ყველაფერი ამის კეთება სპეციალური საშვებით და ბეჭედდასმული ქაღალდებით ძნელია. ვფიქრობ, რომ ერთი კვირის შემდეგ იქნება ისეთი სიტუაცია, რომ შესაძლებელი გახდება მანქანების მოძრაობის აღდგენა, იმ პირობით, რომ ცოტა ვისწავლეთ, თუ როგორ მოვიქცეთ. დარწმუნებული ვარ, შეზღუდვები როცა მოიხსნება, ადამიანები სიფრთხილეს გამოიჩენენ“, - თქვა ცერცვაძემ.
