საზოგადოების თვითშეგნების იმედზე ყოფნა და ეპიდემიის ბრძოლის ამაზე გადატარება და მით უმეტეს, ეპიდემიის გავრცელების ხალხზე გადაბრალება, არასერიოზულია, - განაცხადა "ჯი-ეიჩ-ენთან" საუბარში ინფექციური პათოლოგიის, შიდსისა და კლინიკური იმუნოლოგიის ცენტრის ექიმმა-ეპიდემიოლოგმა, ნიუ-იორკის შტატის უნივერსიტეტის საზოგადოებრივი ჯანდაცვის სკოლის მაგისტრმა, ეკატერინე ქარქაშაძემ.
მისი თქმით, რამდენად შეგნებულადაც არ უნდა იქცეოდეს მოსახლეობის დიდი ნაწილი და, საბედნიეროდ, ბევრია სამაგალითო მოქალაქეობრივი შეგნების ხალხია ჩენ გარშემო, მაინც რჩება ნაწილი, რომელმაც შეიძლება დაგვირღვიოს წესრიგი.
„პანდემიის ეპოქაში ერთ-ერთი მნიშვნელოვანი საკითხია მოსახლეობის თვითშეგნება, რასაც ბოლო პერიოდში ყველაზე მეტ აქცენტს უთმობენ. რასაკვირველია, მოსახლეობის ქცევა მნიშვნელოვანია და როდესაც უმრავლესობა ხელს გიწყობს, მარტივად მიდის პროცესები, ასევე საჭიროა საზოგადოებაზე გათვლილი მესიჯებიც, მაგრამ მხოლოდ საზოგადოების თვითშეგნების იმედზე ყოფნა და ეპიდემიის ბრძოლის ამაზე გადატარება და მით უმეტეს, ეპიდემიის გავრცელების ხალხზე გადაბრალება, არასერიოზულია, რადგან რამდენად შეგნებულადაც არ უნდა იქცეოდეს მოსახლეობის დიდი ნაწილი და, საბედნიეროდ, ბევრია სამაგალითო მოქალაქეობრივი შეგნების ხალხია ჩენ გარშემო, მაინც რჩება ნაწილი, რომელმაც შეიძლება დაგვირღვიოს წესრიგი. ეს იმას ნიშნავს, რომ ჩვენ დარღვევების შესაძლებლობა საწყის მოცემულობად უნდა მივიღოთ და არა მოულოდნელ სიურპრიზად. შესაბამისად, პროცესებს სჭირდება მართვა და ღონისძიებების კომპლექსური გატარება“, - ამბობს ქარქაშაძე.
