სამხედრო რეჟიმით მართვას არ ვფიქრობთ, ვინიდან ვთვლი, რომ საქართველო, გარკვეულწილად დემოკრატიული სახელმწიფოა, - განაცხადა საქართველოს ჯანდაცვის მინისტრმა ეკატერინე ტიკარაძემ.
„ვთვლი, რომ ჩვენ მაქსიმალურად ვამკაცრებთ ზომებს და აქედან გამომდინარე გვაქვს გადადგმული ყველა შესაძლო ნაბიჯი. ჩვენ სამხედრო რეჟიმის მართვას არ ვფიქრობთ, ვინაიდან ვთვლი, რომ საქართველო არის გარკვეულწილად დემოკრატიული სახელმწიფო და გარდა იმისა, რომ ჩვენ ვართ დემოკრატიული სახელმწიფო, ვთვლი, რომ ჩვენი მოქალაქეებიც არიან ძალიან მაღალი შეგნების. მათთან დიალოგის, იმ გახსნილობის შედეგად, რომელიც ჩვენ გვაქვს, ისინი გაიაზრებენ, თუ რა რისკის ქვეშ იმყოფება საქართველო და მსოფლიო და შესაბამის ღონისძიებებს აუცილებლად მიმართავენ“, - თქვა ტიკარაძემ.
