ამ ეტაპზე ექიმის დაინფიცირების წყარო ცნობილი არ არის, თუმცა მოკვლევა მიმდინარეობს. ყველა ის ექიმი, რომელსაც მასთან კავშირი ჰქონდა, საკარანტინო ზონაშია- ამის შესახებ ჯანდაცვის მინისტრმა მთავრობის ადმინისტრაციაში გამართულ ბრიფინგზე კლინიკა „თბილისის მედიცინის ინსტიტუტის“ თანამშრომლის დაინფიცირების შესახებ დასმული კითხვის საპასუხოდ განაცხადა.
ტიკარაძის თქმით, გარკვეულ პირებს, რომლებსაც სიმპტომატიკა აღენიშნებოდათ, ტესტირება უკვე ჩაუტარდათ, თუმცა ვირუსი არ დაუდასტურდათ.
„ეს ძალიან მნიშვნელოვანი და კეთილსაიმედოა. დანარჩენი პირები იმყოფებიან დაკვირვების იმყოფებიან. ეპიდემიოლოგები დეტალურად მუშაობენ იმის დასადგენად, თუ საიდან დაინფიცირდა ექიმი და ასევე იმ კონტაქტების გასარკვევად, თუ ვისთან ჰქონდა მას ურთიერთობა“, - განაცხადა მინისტრმა.
